«Me lovar satsing på barnehage, og på oppvekst, fritid og skule»

Takk for utfordringa, Jane Føllesdal

Om barnehage, oppvekst og slikt

Her kjem svaret frå Ap

Forsøksvis forma som dikt

-

Ja; det startar i barnehagen

Det har Ap sagt i mange år

Det er difor me skriv så ofte om det

Her i avisa vår

-

Diverre er me i mindretal no

I kommunestyre vårt

Men dette kan endrast i haust

For nytt fleirtal det treng me – sårt!

-

Heller ikkje i Ap lovar me gull

Men løfta våre er ikkje hule:

Me lovar satsing på barnehage

Og på oppvekst, fritid og skule

-

Og me lovar dykk barnehagar

Som er opne også om sommaren

Og me lovar å vere på pletten

Når dei borgarlege bommar igjen

-

Kjære Jane: I Ap er me vakne

Me har faktisk vore det lenge

Me lovar å gjere vårt

Men då veit de kva de må stemme

-

Eg håpar du er nøgd med svaret

Og i valkampen på oss heiar

Beste helsing frå Øygarden Ap

Stian Oen, leiar

Diktet sto fyrst på trykk i Vestnytt 19. juni.